Bases

CONDICIÓNS XERAIS

1ª. O Concello de Ferrol (Galicia – España) organiza e patrocina o XXV Concurso Internacional de Piano “Cidade de Ferrol”, que terá lugar en Ferrol entre os días 19 e 26 de novembro de 2011.

2ª. O Concurso está aberto aos pianistas de todos os países. Os candidatos deberán ter 16 anos como mínimo e 35 como máximo o 12 de novembro de 2011 , data límite para a inscrición.

3ª. Os gastos de aloxamento, mantenza, desprazamento, etc. correrán a cargo dos concursantes.

4ª. Non poderán concursar os intérpretes que obtivesen o Primeiro Premio en anos anteriores.

5ª. A solicitude do boletín de inscrición deberá facerse á Secretaría do Concurso de Piano “Cidade de Ferrol” e deberá ser remitido a este, debidamente cuberto, acompañado de todos os documentos que máis adiante se especifican, antes da data sinalada no punto 2. O mencionado boletín de inscrición pode ser substituído por carta asinada pola persoa interesada, na que faga constar:

a. Nome, apelidos, idade, residencia e nacionalidade.
b. Centros nos que cursou os estudios; premios obtidos nas súas actividades musicais e un breve currículo da súa vida musical.
c. Títulos e autores das obras elixidas.
d. Que coñece as bases deste Concurso, está conforme con elas e acepta as decisións do Xurado.

CONCELLO DE FERROL
SECRETARÍA DEL CONCURSO DE PIANO “CIDADE DE FERROL”
Praza de Armas s/n
15402 -FERROL (GALICIA-ESPAÑA)
Tfn: +34981944180 . Fax: +34981945173
Tfn infom.: +34630393772
e-mail: concursopiano@ferrol.es
www.pianoferrol.com

6ª. Dereitos de gravación e difusión: o Concurso Internacional de Piano “Cidade de Ferrol” resérvase todos os dereitos de radiodifusión, gravación e emisión por televisión das diferentes probas do concurso, así como os dereitos de gravación fonográfica, de edición de discos ou cintas do concurso.